ශ‍්‍රමික සුරැකුම වැඩසටහන යටතේ ලියාපදිංචි වූ විගමණික ශ‍්‍රමිකයින්ගේ පවුල්වල ඥාතීන් වෙනුවෙන් ලබාදෙන වරප‍්‍රසාද ඉදිරියේදී තවත් පුළුල් කරන බවත් මේ වසර තුළ විගමණික ශ‍්‍රමිකයින් සඳහා විශ‍්‍රාම වැටුප කි‍්‍රයාත්මක කිරීමට අවශ්‍ය කටයුතු මේ වන විට සූදානම් කරමින් පවතින බවත් විදේශ රැකියා අමාත්‍ය තලතා අතුකෝරළ මහත්මිය සඳහන් කළාය.

ශ්‍රී ලංකාවේ ප්‍රථම කරදිය මත්ස්‍ය අභිජනන මධ්‍යස්ථානයේ ඉදිකිරීම් කටයුතු මඩකළපුවේ ධර්මපුරම් හිදී ධීවර හා ජලජ සම්පත් සංවර්ධන අමාත්‍ය මහින්ද අමරවීර මහතාගේ ප්‍රධානත්වයෙන් පසුගිය දා ආරම්භ කෙරිණි.

දිවයින හරහා විටින්විට හමන (පැ.කි.මී 40-50 පමණ) තරමක් තද සුළං සහ දිවයින අවට මුහුදු ප්‍රදේශවල  හමන (පැ.කි.මී 60 පමණ)තද සුළං, බලාපොරොත්තු විය හැකි බව කාලගුණවිද්‍යා දෙපාර්තමේන්තුව පවසයි.

කොටි ත්‍රස්තවාදය අවසන් වීමෙන් පසු උතුරු - නැගෙනහිර පළාත්වල ධීවර ජන ජීවිතයයථා තත්ත්වයට පත් වුවද, විශේෂයෙන්ම පුත්තලම සිට යාපනය දක්වා ධීවර ජනතාවට ධීවර කටයුතු සඳහා අවශ්‍ය යටිතල පහසුකම් සංවර්ධනය වූයේ නැත. මෙම කාරණය සැලකිල්ලට ගනිමින් මන්නාරම, වැල්ලමන්කර ප්‍රදේශය අංග සම්පූර්ණ ධීවර වරායක් ලෙස සංවර්ධනය කිරීමට කටයුතු මේ වන විටත් සැලසුම් කර  තිබෙන බව ධීවර හා ජලජ සම්පත් සංවර්ධන අමත්‍යාංශය පවසයි.