ගම්පොල නගර සංවර්ධන ව්‍යාපෘතිය යටතේ ඉදි කෙරුණු දුම්රිය අධීක්ෂණ කළමනාකරණ (මාර්ග ) කාර්යාලය විවෘත කිරීම ප්‍රවාහන මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මැතිතුමාගේ ප්‍රධානත්වයෙන් සිදු කෙරිණි.

මෙම අවස්ථාවේ දී අදහස් දැක්වූ අමාත්‍යවරයා,
වැඩ කරන්නට අවශ්‍යතාවය ඇති නායකයෙකුගේ අරමුණක ප්‍රතිඵලයක් වශයෙන් සංවර්ධනය බිහිවනවා. විවිධ හේතු මත ආර්ථිකය ආපස්සට ගිය වසරකට පසුව යළිත් සංවර්ධනය පිළිබඳ කතා කළ හැකි කාලයක් යළි උදා වී තිබෙනවා. රටක් ලෙස සංවර්ධනයේ අරමුණු ජයගැනීම උදෙසා දුෂ්කර ගමන් මාර්ගයක ගමන් කිරීමට සිදුව ඇති මොහොතක පක්ෂ, විපක්ෂ, ජාති භේද අතහැර පොදු අරමුණකට එක් වීම අත්‍යවශ්‍යයි. ඒ වෙනුවෙන් සාම්ප්‍රදායික ක්‍රමවේදයන් වෙනස් කළ යුතුව පවතිනවා.
දුම්රිය දෙපාර්තමේන්තුව සතුව පවතින ඉඩම් ඇතුළු ඌණ උපයෝජිත වත්කම් කළමනාකරණය උදෙසා පිහිටුවා ඇති වත්කම් කළමනාකරණ ඒකකය තුලින් ඵලදායි ආයෝජනයන් සඳහා නව අවස්ථාව ලබා දීමේ වැඩ පිළිවෙලක් මේ වන විටත් ආරම්භ කර තිබෙනවා. ඉදිරි සති කිහිපය තුල ඒ සඳහා උනන්දුවක් දක්වන ඕනෑම දෙස් විදෙස් ආයෝජකකුට ඉදිරිපත් වීමේ හැකියාව පවතිනවා.
දුම්රිය දෙපාර්තමේන්තුව මෙන්ම, මාර්ග සංවර්ධන අධිකාරිය සතුව පවතින ආයෝජනය සඳහා සුදුසු භූමි ප්‍රදේශ හඳුනා ගනිමින් රටට හිතකර ආයෝජන සඳහා එම වත්කම් ද යෙදවීමේ වැඩපිළිවෙළක් ඉදිරියේ දී ක්‍රියාත්මක කරනවා.
අධිකරණ හා බන්ධනාගාර කටයුතු පිළිබඳ රාජ්‍ය අමාත්‍ය නීතිඥ අනුරාධ ජයරත්න මැතිතුමා විසින් සංවිධානය කරන ලද මෙම උත්සවය සඳහා ප්‍රවාහන රාජ්‍ය අමාත්‍ය සිරිපාල ගම්ලත් මැතිතුමා, ප්‍රාදේශීය දේශපාලන නියෝජිතයින්, දුම්රිය සාමාන්‍යධිකාරී ඩබ්. ඒ. ඩී. එස්. ගුණසිංහ මහතා ඇතුළු නිලධාරීන්, මාර්ග සංවර්ධන අධිකාරිය, නාගරික සංවර්ධන අධිකාරිය ඇතුළු රාජ්‍ය ආයතන ප්‍රධානීන් ඇතුළු විශාල පිරිසක් එක්ව සිටියහ.

අපේ රටේ ජාතික සමගිය ඉස්මතු කෙරෙන සුවිශේෂී සංස්කෘතික කලා මංගල්‍යයක් පසුගියදා (29) රාත්‍රියේ දී කඩුවෙල සංස්කෘතික මධ්‍යස්ථානයේ දී පවත්වනු ලැබුවා.

සාම්ප්‍රදායික දේශපාලනයෙන් මිදී රට පිළිබඳ අලුතින් සිතා අලුත් මාවතක යන පක්ෂය බවට එක්සත් ජාතික පක්ෂය පරිවර්තනය කර ගනිමු යැයි ජනාධිපති රනිල් වික්‍රමසිංහ මහතා සියලු එක්සත් ජාතික පාක්ෂිකයින්ගෙන් ඉල්ලා සිටියේය.