වසර හැටකට ආසන්න කාලයක් හැටන් - ඩන්බාර් පාරේ පහසුකම් වලින් අඩු ස්ථානයක පවත්වාගෙන ගිය හැටන් දිස්ත්‍රික් කම්කරු කාර්යාලය සඳහා අලුතින් ඉදිකෙරුණු තෙමහල් ගොඩනැගිල්ල කම්කරු අමාත්‍ය නිමල් සිරිපාල ද සිල්වා මහතා අතින් හෙට (26) පෙරවරුවේදී ජනතා අයිතියට පත්කෙරෙයි.

බුද්ධ ශාසන, ආගමික හා සංස්කෘතික කටයුතු අමාත්‍යංශය, සංස්කෘතික කටයුතු දෙපාර්තමේන්තුව, කලා මණ්ඩලය, රාජ්‍ය රූපවාහිනී කලා උපදේශක සභාව එක්ව සංවිධානය කරනු ලබන රූපවාහිනී කලා රාජ්‍ය සම්මාන උළෙල - 2022 සඳහා නිර්මාණ භාරගැනීම මේ වන විට ආරම්භ කර ඇත.

යුක්රේනයේ පවතින තත්ත්වය උත්සන්න වීම හේතුවෙන්, එහි රැඳී සිටින අනෙකුත් ශ්‍රී ලාංකිකයන් ආරක්ෂිතව මෙරටට එවීමේ කටයුතු සම්බන්ධීකරණය කිරීම සඳහා සුදුසු පියවර ගන්නා ලෙස, කිව් වෙත සමගාමීව අක්ත ගන්වා ඇති අන්කාරා හි පිහිටි ශ්‍රී ලංකා තානාපති කාර්යාලයට විදේශ අමාත්‍යංශය උපදෙස් ලබා දී ඇත.

භූ විද්‍යා සමීක්ෂණ හා පතල් කාර්යංශය මගින් රාජ්‍ය භාණ්ඩාගාරයට අය විය යුතු රාජ්‍යභාග පසුගිය වසර ගණනාව පුරාම නිසි පරිදි සම්ප්‍රේෂණය වී නොමැති බවත්, එය නිසි පරිදි සිදු කිරීමට ක්‍රියාමාර්ග ගතයුතු බවත් කෝප් කමිටුවේ සභාපති පාර්ලිමේන්තු මන්ත්‍රී මහාචාර්ය චරිත හේරත් මහතා අවධාරණය කළේය.