ග්‍රාමීය ජීවනෝපාය සංවර්ධන වැඩපිළිවෙල යටතේ දීවර පවුල්වල කාන්තාවන් ආර්ථිකමය අතින් සවිබල ගන්වා ශක්තිමත් දීවර ජනතාවක් බිහිකිරීමේ අනාගත වැඩපිළිවෙල යටතේ කාන්තාවන් ඉලක්ක කර නව නිෂ්පාදන සහ කර්මාන්ත හඳුන්වාදීමට දීවර හා ජලජ සම්පත් සංවර්ධන සහ ග්‍රාමීය ආර්ථිකය පිළිබද රාජ්‍ය අමාත්‍ය දිලිප් වෙදආරච්චි මහතාගේ උපදෙස් පරිදි කටයුතු සිදුකෙරෙමින් පවතී.

දීර්ඝකාලයක් පුරා පැවති යුද්ධයෙන් පසුබෑමට ලක්වූ උතුරු නැගෙනහිර පළාත්වල දියත් කර ඇති සංවර්ධන වැඩපිළිවෙළ කඩිනම් කිරීම සඳහා ජනාධිපති ගරු මෛතී‍්‍රපාල සිරිසේන මැතිතුමා විසින් පත් කළ විශේෂ ජනාධිපති කාර්ය සාධක බලකාය  ඊයේ  (30) පස්වරුවේ ජනාධිපති කාර්යාලයේදී ජනාධිපතිතුමාගේ ප‍්‍රධානත්වයෙන් පළමු වරට රැස්විය.