පසුගිය වර්ෂයේදී ශ්‍රී ලංකාවේ ලාදුරු රෝගීන් 1683ක් වාර්තා වූ බවත් එම රෝගීන්ගෙන් 41%ක් වාර්තා වන්නේ බස්නාහිර පළාතෙන් බව ලාදුරු මර්දන ව්‍යාපාරයේ අධ්‍යක්ෂ විශේෂඥ වෛද්‍ය චම්පා ජේ. අලුත්වීර මහත්මිය පවසයි.

සමස්ත ශ්‍රී ලංකාවාසී ජනතාවට ගුණාත්මක සෞඛ්‍ය සේවාවක් ලබාදීමේ අරමුණින් සහ සෞඛ්‍ය සේවාවේ මානව සම්පත ඉහළ නැංවීමට පියවර ගනිමින් සෞඛ්‍ය සේවකයින් 2150 කට පත්වීම් ලිපි ප්‍රදානය කිරීම සෞඛ්‍ය පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප්‍රධානත්වයෙන් ඊයේ දින (05) අරලියගහ මන්දිරයේ දී සිදු කෙරිනි.

දිවයිනේ දිස්ත්‍රික්ක 24ක පසුගිය වසරේ හටගෙන තිබූ දැඩි නියඟයෙන් පීඩා විඳි ගොවි පවුල් 736, 095ක් සඳහා ජාතික ආපදා සහන සේවා මධ්‍යස්ථානය හරහා රජය විසින් රුපියල් කෝටී 390 ක වියළි ආහාර සළාක සහනාධාර වශයෙන් ලබාදුන් බව රාජ්‍ය පරිපාලන හා ආපදා කළමනාකරණ අමාත්‍ය රංජිත් මද්දුම බණ්ඩාර මහතා පවසයි.