මතුගම නගරයෙන් පිටත්වන පෞද්ගලික සුඛෝපභෝගී බස් රථ ධාවනයෙන් ඉවත්වීම පිළිබඳව සොයාබලන බවත් ඒ සම්බන්ධව නිලධාරීන් දැනුවත් කිරීමට කටයුතු කරන බව ප්‍රවාහන නියෝජ්‍ය අමාත්‍ය අශෝක අබේසිංහ මහතා රජයේ නිලපුවත් වෙබ් අඩවියට පැවසීය.

සේවක අර්ථසාධක අරමුදලට දායක වී ඇති අර්ධ රාජ්‍ය හා පෞද්ගලික අංශයේ සේවකයින්ගේ ජාතික හැදුනුම්පත් අංකය අරමුදලේ සාමාජික අංකය ලෙස යොදා ගැනීමට කම්කරු දෙපාර්තමේන්තුව කටයුතු කරගෙන යයි.

ශ්‍රී ලංකාවේ ධීවර ප්‍රජාව පිළිබඳ විධිමත් සංගණනයක් මෙම වසර තුළ සිදු කරන ලෙස ධීවර හා ජලජ සම්පත් සංවර්ධන අමාත්‍ය හා මහවැලි සංවර්ධන රාජ්‍ය අමාත්‍ය මහින්ද අමරවීර මහතා ධීවර හා ජලජ සම්පත්දෙපාර්තමේන්තුවට උපදෙස් දෙනු ලැබීය.