අද පස්වරුවේ දුම්රිය ධාවන කටයුතු සාමාන්‍ය පරිදි සිදු වන බව දුම්රිය සාමාන්‍යධිකාරී ධම්මික ජයසුන්දර මහතා ප්‍රකාශ කරයි.

සමස්ත බස් ගාස්තු 35% ප්‍රමාණයකින් ඉහළට යන බවත්, ඒ අනුව අවම බස් ගාස්තුව රු. 20.00 සිට රු.27.00 දක්වා සංශෝධනය කෙරෙන බවත් ප්‍රවාහන අමාත්‍ය දිලුම් අමුණුගම මහතා ප්‍රකාශ කරයි.

අමාත්‍ය ප්‍රසන්න රණතුංග මහතා ආණ්ඩු පක්ෂයේ ප්‍රධාන සංවිධායක ධුරයේ වැඩ ඇරඹීය.

පවතින අර්බුදකාරී තත්ත්වය සමනය කිරීමට මහ ජනතාව අපේක්ෂා කරන විනිවිදභාවයෙන් යුතු,දූෂණයෙන් තොර කාර්යක්ෂම පාලන තන්ත්‍රයක් ඇති කිරීමේ අවංක අරමුණ පෙරදැරිව පාර්ලිමේන්තුවේ සෘජු මැදිහත්වීමෙන් ඉදිරි කටයුතු කඩිනම් කිරීමට පාර්ලිමේන්තුව නියෝජනය කරන සියලුම පක්ෂ නායකයන් ඇතුළු සමස්ත පාර්ලිමේන්තු මන්ත්‍රීවරුන්ගේ සක්‍රීය දායකත්වය සහ උපරිම සහයෝගය ඉතාමත් ගෞරවයෙන් යුතුව ඉල්ලා සිටින බව කතානායක මහින්ද යාපා අබේවර්ධන මහතා ප්‍රකාශ කරයි.