ඇමෙරිකාවේ නිව්යෝර්ක් නුවර ලෝන්ග් අයිලන්ඩ් බෞද්ධ භාවනා මධ්‍යස්ථානාධිපති ති්‍රපිටකවේදී ශාස්ත්‍රපති පූජ්‍ය කොට්ටාවේ නන්ද ස්වාමින් වහන්සේ වෙත මහාවිහාරවංශික ශ්‍යාමෝපාලී  වනවාස නිකායේ ඇමෙරිකාවේ ප්‍රධාන සංඝනායක ධූරය පිරිනැමීමේ පුණ්‍ය මහෝත්සවය ජනාධිපති ගරු මෛත්‍රීපාල සිරිසේන  මැතිතුමාගේ ප්‍රධානත්වයෙන් අද (20) පස්වරුවේ කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ දී පැවැත්විණි. 

පාගොඩ ශ්‍රී විද්‍යා විජයාරාමයේ අභිනව වාහල්කඩ, බෝධින්වහන්සේ වටා ඉදිකළ රන්වැට ආදි විහාරාංග රැසක් සග සතුකොට පූජා කිරිමේ පුණ්‍ය මහෝත්සවය  ජනාධිපති ගරු  මෛත්‍රීපාල සිරිසේන මැතිතුමාගේ ප්‍රධානත්වයෙන් අද (20) පස්වරුවේ පැවැත්විණි.

සේනා දළඹු ප්‍රශ්නය කවුරුත් කළ කුමන්ත්‍රණයක් නොවන බවත් සේනා දළඹුවාගෙන් සිදුවන හානිය වැළැක්වීමට කටයුතු කරන බවත් කෘෂිකර්ම, ග්‍රාමීය ආර්ථික කටයුතු, පශු සම්පත් සංවර්ධන, වාරිමාර්ග සහ ධීවර හා ජලජ සම්පත් අමාත්‍ය පී. හැරිසන් මහතා පවසයි.

පාරිභෝගිකයා වෙහෙසට පත් නොකරමින් නිෂ්චිත අවම කාලයක් තුළදී කැණීම් බලපත්‍ර නිකුත් කිරීමට නව සංකල්පයක් හඳුන්වාදීමට  භූ විද්‍යා සමීක්ෂණ හා පතල් කාර්යංශය කටයුතු කර තිබේ.